دى من ابتكارى وحلوة جدا جربوها وقولولى رأيكم المقادير كيلو مفروم شوية بقدونس مقطع بصلة مفرية او مفرومة معلقة قرفة ثوم مفرى للنكهة مش كتير وملح وفول صويا لو موجود الطريقة تحطى اللحمة المفرومة فى وعاء عميق وبعدين تحطى البصلة المفرية وبعدين تقلبى كويس اوى وبعدين حطى الثوم وقلبيها كويس وبعدين البقدونس وقلبيها بردة واخيرا حطى القرفة والملح وقلبيها كويس لأخر مرة وبعدين جيبي صنية فيها زيت واعملى المقدار اللى عملناة دا اصابع كبيرة وسميكة وضعيها بالصنية الى نهاية المقدار بعدين ضعيها بالفرن تقريبا كدة نص ساعة نار متوسطة فوق وتحت وممكن تاكليها مع ارز بشعرية وسلطة وبطاطس محمرة وبالهنا والشفا